Nahatagan sa promosyon ang 19 ka sundalong padayon nga nagpa-ayo sa Armed Forces of the Philippines Health Service Command ug Army General Hospital.
Kini human napuruhan samtang nakig-giyera kaniadto sa Maute-ISIS Group sa nahitabong Marawi siege.
Matud ni Philippine Army Spokesperson Lieutenant Colonel Louie Villanueva gihimo ang donning of ranks ceremony kagahapon nga gipangunahan mismo ni AFP Philippine Army Chief Lieutenant Colonel Joselito Bautista.
Sa 19 ka mga sundalo usa ang na-promote sa master sergeant, duha ka technical sergeants, usa ka staff sergeant, siyam ka sergeants, ug unom ka corporals.
Gibutyag pa ni Villanueva nga hangtud niadtong June 5, 2018 dunay 25 ka sundalo pa gikan sa Philippine Army ang nagpa-ayo sa AFP HSC ug siyam sa Army General Hospital nga makita sa Fort Bonifacio, Metro Manila.
Sa Seremonya, personal nga nagpasalamat si Lieutenant Colonel Bautista sa mga samarang sundalo tungod sa kabayanihon nga ilang gihimo para sa nasud.
Matud niini nga dili niya makalimutan ang sakripisyo sa mga sundalo aron lamang gampanan ang ilang tahas nga pagserbisyo sa katawhan.
PC: RMN Manila
