Detinado karon sa Iligan City Police Station 4 ang usa ka 27 anyos human giakusahang nanglugos sa dos anyos nga bata sa Purok 1- Barangay Tambacan, Iligan City.
Suspek nailang si Ibrahim Adiong, ulitawo, taga Purok West East, Barangay Tomas Cabili, Iligan City.
Matud sa amahan sa bata, nga samtang misulod siya sa kwarto kung asa natulog ang iyang dos anyos nga anak pasado alas 2:40 sa kadlawon kagahapong adlawa, iyang nakita ang suspek nga naka half naked ug nakapatong sa iyang anak.
Kini ang hinungdan nga misinggit ang amahan nga niresulta sa pagka alarma sa silingan ug pagkabun-og sa suspek.
Samtang nakuha gikan sa posisyon sa suspek ang gituohang sachet sa shabu.
Kini atol sa gihimong pagkapkap sa wala pa gibalhog sa presuhan.
Nakuha ang maong shabu sa pitaka mismo sa suspek.
Nasayran nga human sa insidente, gidala ang dos anyos nga bata sa hospital aron kini ipaubos sa medico legal examinations aron masuta kung kini nahilabtan ba gyud sa suspek nga si Adiong.
