2 biktima sang pagpangluthang sa Tampakan, South Cotabato.

19

Ginluthang sang wala nakilal-an nga suspek ang duha ka mga persona sa Sitio Campo 4, Brgy Danlag, Tampakan, South Cotabato , alas 8:55 kagab-i, Pebrero 4, 2021.
Ginkilala ang mga biktima nga sanday Rail Sagal, yara sa legal nga pang-edaron, security guard nga nakaangkon sang minor injury sa wala nga abaga sini, kag Rolando Salinangan, 56-anyos, mangunguma kag pareho residente sang Sitio Campo 4, Brgy Danlag sa nasambit nga banwa.
Nakaangkon naman sang igo sang bala sa iya nga leog si Salinangan nga gilayon naman nga gindala sa ospital.
Sa imbestigasyon sang Tampakan MPS, ang mga biktima ang nagapanyapon sang tiruhon sang mga wala nakilal-an nga suspek nga nakaposisyon suno pa sa madulom nga parte sang lugar.
Base sa testigo nakabati suno pa sila sang tatlo ka mga lupok sang wala nahibaluan nga klase sang armas luthang.
Sa subong nagapadayon ang imbestigasyon sang Tampakan MPS sa insidente.

Facebook Comments