Duha ka wanted persons ang gisikop sa kapulisan sa Villanueva Municipal Police Station sulod sa usa ka adlaw.
Unang nasikop mga alas dos sa hapon niadtong Lunes mao ang 41 anyos nga si Mary Jane Basalan, balo ug taga Purok 6, Barangay Poblacion 3, Villanueva, Misamis Oriental.
Si Basalan nag-atubang sa kasong Estafa ug temporaryong makagawas kung makapiyansa og 18-mil pesos.
Samtang mga alas 2:30 sa hapon sa samang adlaw, nasikop ang ikaduhang wanted person tungod sa kasong Acts of Lasciviousness in relation to Republic Act 7610.
Suspek mao ang 33 anyos nga si Ariel Secuya ug taga Barangay Tinubdan, San Fernando, Cebu City.
Gisikop si Secuya sa Poblacion 1, Villauneva, Misamis Oriental ug makagawas lamang kung makapiyansa og 80-mil pesos.
