Nakaangkon sang pilas sa tuo nga kamot si Albert Rivera, 40 anyos samtang pilas sa tiyan, wala nga paa, kag tuo nga kamot ang naangkon ni Alvin Palma, 34 anyos sang Brgy. Infante, Molo, Iloilo City.
Ini matapos nagluntad ang komosyon sa tunga nila kag sang suspek nga ginkilala kay Isagane Amar, 45 anyos sang Brgy. Ipil, Barbaza, Antique alas 8:55 kagab-i , Nobyembre 20 sa Iloilo Fish Port Complex, Brgy. Tanza Baybay, Iloilo City .
Santo sa imbestigasyon sang kapulisan, naga-inum-inom ang mga biktima upod ang suspek sa nasambit nga lugar sang nagluntad ang indi pag-intyindihanay sa tunga ni Rivera kag Palma.
Nagpatunga si Amar rason nga nagluntad naman ang komosyon sa tunga nila ni Palma tubtob napilasan si Palma.
Gilayon naman nagpatunga si Rivera apang ginbuno ini sang matalom nga bagay ni Amar.
Gindala sa hospital ang mga biktima samtang nakahunong na sa Police Station 1 ang suspek.
(photo from web)
