Multicab ag Tricycle nag sunggaban, 1 patay 5 na-ospital ag 1 out patient

Sebaste, Antique — Sambilog patay ag 5 rong na-ospital matapos nga mag sunggaban rong multicab ag tricycle kabii sa Brgy. Naungon, Sebaste, Antique.
Ro mga biktima nga sakay it multicab hay nakilaea kanday Janus Andrade, 33-anyos it Oyo Torong St., Kalibo ag driver it multicab; Leane Taligatos, 42-anyos; Jerson Tapispisan, 42-anyos; Jeferson Tapispisan parehong residente it Brgy. Tamalagon, Tangalan; Evangel Fuentes, 48-anyos it C. Laserna St., Kalibo ag rong sakay it tricycle nga si Michelle Magpusao.
Base sa report nga nabuoe it RMN Kalibo nga halin sa Sebaste rong multicab nagpamakae it baboy ag samtang nagapauli eon sa banwa it Kalibo pag abot sa may Brgy. Naungon, Sebaste hay andang naka sunggaban rong tricycle nga halin sa sangka party nga naga pauli man kung sa siin gintunaan ko insigidang pagkamatay ko driver nga sangka babaye nga uwa anay pagpangaeani.
Sa makaron hay kritikal man rong sitwasyon ni Andrade nga naka admit sa Panay Health Care, samtang naka ICU man sa Aklan Provincial Hospital sanday Michelle Magpusao ag Leane Taligatos.
Sanday Evangel ag Jerson hay padayon man nga ginabueong sa Medicare Ward it Aklan Provincial Hospital, samtang si Jeferson hay gin refer sa out-patient department matapos taw-an it nagakaigo nga pagbueong.