BACOLOD CITY – Gin-serbihan sang warrant of arrest ang duha ka mga naka-detain na nga daan sa Bureau of Jail Management and Penology ukon BJMP sa Brgy. Handumanan, Bacolod City las 10 sini gid lamang nga aga.
Ang amo nga warrant of arrest gin-serbe sang mga katapo sang Police Station 10 batuk sa nga inmates nga sanday Randoy Barido, legal ang edad, pumuluyo sang Antonio Luna St., Brgy. Mambulac, Silay City kag Teddymar Carmona, legal ang edad sang Purok Pilit, Brgy. 6 sining ciudad sang Bacolod.
Sanday Randoy kag Teddymar ang detained sa amo nga prisohan bangud man sang kaso nga robbery kag may fixed bailbond nga 40 mil pesos.
Ang warrant of arrest nga gin-issue ni Hon. Judge Ana Celeste Bernad sang RTC Branch 44 sadtong December 14, 2017 ang gin-serbe sa sulod mismo sang BJMP Handumanan./dyHB BACOLOD
