2 nga pulis nga nagbaligya hin "droga", arestado han igkasi mga pulis

(Photo courtesy to Robert Dejon)

TACLOBAN CITY – Arestado han Ormoc City Drug Enforcement Unit (CDEU) han Philippine National Police (PNP) an duha nga pulis nga nagbabaligya hin illegal nga droga ha Brgy. Macabug, Ormoc City, alas 11:50 han aga kakulop, February 15, 2019.

Subay han report tikang ha Ormoc PNP, ginkilala an duha nga pulis nga hira PO1 Ronelo Masican Felizarta, 36 anyos, PNP Member nga naka-assign ha san Vicente MPS, Northern Samar, residente ha Sitio Lutaw, Brgy Macabug, Ormoc City; ngan hi PO1 Pelboy Abellanosa Lopez, 31 anyos, may asawa, presente nga naka-assign ha Northern Samar PMFC, residente ha Brgy. Salvation, Palo, Leyte, ngan apil ha CDEU’s drug watch list.

Arestado gihapon an upod nira nga sibilyan nga hi Ricsan Ilao Sale, 29 anyos, waray trabaho, residente ha Brgy. Macabug, Ormoc City.


Napalit han posuer buyer han PNP tikang ha duha nga pulis an usa (1) kapakete han gin-aaligar shabu ha kantidad nga P500.

Nakumpiska gihapon tikang ha mga suspek an upat (4) pa kapakete hin shabu, duha nga cellphones, PNP issued glock 17 gen 4 caliber 9mm handgun.

Maatubang an mga suspek ha kaangayan nga mga kaso ha ilarom han Dangerous Drugs Act.

Paslak na an mga suspek ha Ormoc PNP lock up cell.

Facebook Comments