Patay ang duha ka mga minero sa nagluntad nga disgrasya sa dalanon sa Purok Mangga, Barangay Edwards, Tboli, South Cotabato, alas 3:10 sang hapon, kahapon nga adlaw, Hulyo 11, 2021.
Base sa imbestigasyon sang T`boli MPS, imbolbado sa nasambit nga insidente ang isa ka Honda XRM 125 bilang V1, wala plate number , ginamaneho ni Jonald S. Awed kag may backrider nga ginkilala kay Fidel S. Awed, yara sa legal nga pang-edaron, pareho minero kag residente sang Purok Pag-asa, Brgy. Lamhaku, Tboli, South Cotabato nga nagabyahe halin sa Barangay Kematu padulong Barangay Lamhaku sa nasambit nga banwa.
Samtang ang isa pa nga imbolbado sa digrasya ang isa ka Motorstar MSX150SR, ginamaneho ni Pastor Jimuel Pascua, 50-anyos kag may backrider nga ginkilala kay Shammah Joy Bubungan Pascua, 26 -anyos, single, teacher kag pareho residente sang Poblacion, Norala, South Cotabato.nga halin sa Poblacion, Norala padulong sa Brgy. Laconon, T’boli, Sout Cotabato.
Sa dugang nga imbestigasyon sang T`boli MPS, pag-abot sa nasambit nga lugar aksidente nga nagluntad ang head on collision nga nagresulta sa pag-angkon sang pilas sa mga nagkalain-lain nga parte sang ila nga lawas sang mga biktima.
Gilayon naman nga gindala sa ospital sa banwa ang mga biktima, apang gindeklarar nga dead on arrival sang doctor ang driver kag backrider sang Honda XRM 125, samtang ang driver kag backrider sang V2 ang gindala naman sa South Cotabato Provincial Hospital para sa dugang nga medikasyon.
Ang duha ka mga motorsiklo ang gindala naman sa T’boli MPS para sa nagakaigo nga disposisyon.
