Duha ang patay sa dugoon nga banggaan sa motor ug wing van truck didto sa lungsod sa Bunawan, Agusan del Sur kagahapon sa hapon.
Giila ang duha ka mga biktima nga si Danny Mandona, 17 anyos kinsa maoy nagmanehu sa sidecar motor SYM ug walay drivers license samtang ang backrider niini ang giilang si Meliton Castro, 18 anyos, parehung residenti sa P6. Brgy. Consuelo, Bunawan Agusan del Sur.
Nigawas sa imbistigasyon sa Bunawan Municipal Police Station nga kusug ang dagan sa sidecar motor ug mi-overshoot kini sa kurbada nga bahin sa lugar ug mibangga sa kasugat nga Wing Van Truck nga nagkaraga ug materyales para sa saging ug nagdala sa plaka numero RJK 662 ug gimanehu ni Ronel Alleso, hingkod ang panuigon ug residenti sa P16 Budbud, Bunawan, Davao city.
Tungod sa kakusug sa impact sa bangga milagpot ang duha ka mga biktima. Gidala pa sa Bunawan District Hospital apan gideklara sila’ng dead on arrival sa doctor.
Kasamtangang gi-detain sa karsel sa Bunawan PNP ang driver sa Wing Va Van Truck.
Sent from my Samsung Galaxy smartphone.
