BACOLOD CITY – Nagtupa sa ospital ang duha ka mga lalaki nga biktima sang pagbuno matapos nga ini sila ang ginpulihan sang isa ka grupo sang mga kalalakihan pasado la una kaina sang kaagahon sa gwa sang isa ka resto bar sa Brgy. Mansilingan, diri sa ciudad sang Bacolod.
Nakilala ang mga biktima nga sanday Rusty Villanueva, 21, soltero kag pumuluyo sang Hacienda Puyas, banwa sang Murcia kag ang isa pa nga nakilala lang kay alias Agi de Asis sang Brgy. Handumanan.
Base sa inisyal nga imbestigasyon sang Police Station 7, nagluntad ang mainit nga pagbina-isay sa tunga sang mga biktima kag sang isa ka grupo sang mga lalaki nga ginapatihan mga menor de edad.
Bangud sini, ginpulihan buno sang mga suspek sanday Rusty kag alias Agi gani ini sila ang nakaangkon sang pilas sa ulo, abaga kag li-og.
Gilayon nga nagpalagyo ang mga suspek samtang ang mga biktima naman ang ginpangdala sa ospital./dyHB BACOLOD
