Davao City – Sikop ang duha ka mga tigpayuhot og iligal nga droga atol sa mas pinakusgang anti-drug operation sa mga awtoridad dinhi sa dakbayan.
Arestado si Shelloh Jessa Cassillo, 29 anyos, minyo, nagpuyo sa Buhangin, Davao City atol sa gilusad nga buy bust operation sa kapulisan sa Talomo ug PDEA-XI alas 3:15 sa kahaponon sa Carlos P. Garcia Highway.
Usa ka sachet nga gituhoang shabu ang nakompiskar ngadto sa suspek sa dihang nakig transaksyon kini sa usa ka police nga kunuhay buyer og illegal drugs pinaagi sa marked money nga 500 ka pesos.
Samtang naharang sa kapolisan ug persohane sa Task Force Davao si Richard Vasan’es, 35 anyos nga taga- Purok 91 Nabunturan Comval Province human nakuhaan og shabu.
Sumala pa ang suspek gikan sa ilang lugar padulong sa dakbayan sa Davao apan sa dihang gilusad sa kapolisan ug Task Force Davao ang pag inspeksyon sa mga pasahero nakuhaan ang suspek og usa ka sachet nga shabu lakip na ang drug paraphernalia.
Gilayon giposasan sa awtoridad ang suspek alas 5:00 sa hapon didto sa Task Force Davao check point sa may Licanan Barangay Lasang Bunawan district siyudad sa Davao.
Ang mga dinakpan balhug na sa prisohan ug mag atubang kini og kasong kalapasan sa RA 9165 kon Dangerous Drugs Act of 2002.
RadyoMaN Don Pulayao/ RadyoMaN Paul Canono
