General Santos City–notado nang tigpayuhot ug droga sa Purok KPS, Barangay Labangal Gensan ang dinakpan nga si Jo Caldino kansa sikop sa gihimong operasyon sa City Police Drug Enforcement Unit sa Purok Mauswagon, Barangay Labangal, Gensan alas 4:00 ang takna sa hapon Niadtong Domingo.
Si Jo Caldino, 35 anyos, Presidenti sa MAKLAB-AS Credit Cooperative ang napalitan ug usa ka sachet sa gituohang shabu ug nakuhaan pa ug laing usa ka sachet sa gituohang shabu atol sa operasyon.
Sumala ni Police Inspector Renato Dungca, hepe sa CPDEU nga dugay na nilang namonitor ang iligal nga gimbuhaton sa nahisgutang suspek.
Dugang pagbutyag ni PI Dungca nga ang nahisgutan matud pa maoy nagasupply ug shabu sa KPS, Barangay Labangal. Sa karon ginasuta pa sa CPDEU kung kinsay supplier ni Caldino sa droga nga maoy iyang ginabaligya sa KPS, Labangal.
