General Santos City—sikop ang duha ka mga notoryos nga tigpahuyot ug iligal nga droga sa gihimong Anti-drug operation sa PNP ug sa PDEA sa Sto. Niño, South Cotabato kagahapong adlawa Enero 26, 2017.
Kaadlawon dihang gihimo sa PDEA Regional Office-12, Regional Public Safety Battalion (RPSB)-12, South Cotabato Police Drug Enforcement Unit (SCPDEU) ug Sto. Niño Municipal Police Station ang nagpahigayon ug (7) ka mga Search Warrants alang sa kalapasan sa Article II, Republic Act 9165 sa (5) nila ka target.
Ang ronda miresulta sa malampusong pagkasikop sa mga suspek nga silang Thong Kawit Alias kagawad, 46, mag-uuma ug Jerald Dagadas alias Idol Dagadas, 19, mag-uuma pulos residenti sa Purok Lover, Brgy. Ambalgan, Sto. Niño, South Cotabato.
Nakumpiska gikan kang Kawit ang (1) ka large sachet , (4) ka gagmayng pakete sa gituohang shabu. Samtang nakuha sa panimalay ni Dagadas ang (2) ka large ug (5) pa ka laing sachet sa gituohang shabu.
Samtang nakuhaan usab ug 12 ka sachet sa iligal nga droga ang panimalay nilang Jukarnu Delangalen, Noel Edday ug Norhata Pagayao apan wala ang mag nasangpit sa ilang panimalay atol sa ronda.
Kasong kalapasan sa Section 11 (Possession of Dangerous Drugs), Article II sa R.A 9165 (Comprehensive Dangerous Drugs Act of 2002) ang ipasang-at nga kaso batok sa mga suspetsado.
