General Santos City–Nagtingkagol sa lock up cell sa Police Station 6 ang duha ka suspetsado human nasikop sa kapolisan nga namaligya og ginadiling droga.
Naila ang mga suspek silang Eleasar Mondigo, 20 anyos, ulitwo walay trabaho og residente sa Block 1 Asai Village, Brgy.Bula ning syudad og Jayson Sumarez, 22 anyos, ulitawo og walay trabaho residente usab sa nahisgutang lugar.
Nasayran nga alas 12:20 sa saung kabuntagon gikasa ang buy bust/entrapment operation sa Station Drug Enforcement Team uban sa koordinasyon sa PDEA 12 sa block 1 Asai Village, Barangay Bula ning dakbayan, naaktuhan gayud sa kapolisan ang mga suspek nga namaligya og ginadiling droga human nga nagpakaron ingnon nga buyer ang usa ka polis hinungdan gilayon kining gisikop sa kapolisan.
