General santos City – sikop sa operatiba sa Polomolok PNP ang duha ka mga most wanted sa Polomolok Municipal Police Station atol sa ilang gipahigayong operasyon sa maong lugar.
Una nang nasikop ang suspek nga si Giovani Mongkil Para, 28, tricycle driver, minyo, residente sa Purok 4, Laguang, Barangay Rubber, Polomolok.
Nasikop ang nahisgutan pinasikad sa warrant of arrest sa kasong paglapas sa Presidential Decree 1866 as amended nga gipagawas ni Honorable Judge Oscar P. Noel, presiding judge sa RTC Branch 25, Justice on Wheels, Polomolok. Nasayran nga ang suspek ang no. 7 Most Wanted sa lungsod sa Polomolok.
Sikop usab ang suspek nga si Manuel Taha-on Conde, 64, residente sa Purok Sto. Niño, Barangay Glamang, Polomolok.
Ang suspetsado dunay warrant of arrest sa kasong paglapas sa Sec. 5, sa Article III, ilawom sa Republic Act 7610 (Child Abuse) kansa una nang gipagula ni Honorable Judge Allan Edwin Boncavil, presiding judge sa RTC Branch 62, Polomolok, South Cotabato. Si Conde anaa sa No. 8 sa Most Wanted List sa lungsod sa Polomolok.
Sa kasamtangan ang duha kamga suspek nagpabilin sa silda sa Polomolok PNP samtang gihuwat nalang ang commitment order sa mga nahisgutan gikan sa Korte aron sila mabalhin na sa Polomolok District Jail.
