GENERAL SANTOS CITY- Sapon sa operasyon sa kapolisan batok iligal nga droga ang babaye nga tigpayuhot atubangan sa dakong mall ning siyudad niaging gabie.
Giila sa imbestigasyon sa Lagao Police Station 3 ang suspek sa pangalang Judith Garayanala, alyas Joy, 39-anyos, walay trabaho og residente sa Sarangani Homes Phase 1, Barangay San Isidro.
Gihimo ang operasyon atubangan sa Robinsons Place Gensan sa Jose Catolico Avenue Barangay Lagao kung asa anaa sad ang poseur-buyer nga pulis.
Napalitan matod pa og iligal nga drogang shabu ang suspek sa poseur-buyer nga pulis sa kantidad nga 500 pesos.
Samtang narekober sad sa pag-amping sa suspek ang laing usa ka pakete sa shabu mikantidad og 20 mil pesos dihang kini gikapkapan.
Kasong pagsupak sa Comprehensive Dangerous Drugs Act of 2002 ang atubangon sa suspek.
For more info’s and updates, like and share our official facebook account : www.facebook.com/ifm91.9Gensanofficial/
