Kapin sa 700 na ka mga residente ang na-pwersa nga mag-biya sa ila puluy-an bangud sa nagapadayon nga engkwentro sa tunga sang tropa sang gobierno kag suspected members sang New People’s Army (NPA) sa Barangay Paitan, syudad sang Escalante.
Nahibalu-an nga sadtung domingo nga adlaw, naglab-ot sa 45 minutos ang pagbayluhanay sang lupok sang duwa ka grupo sa diin tatlo ka suldado ang napilisan kag isa ka sibilyan.
Ang mga injured nga katapo sang militar ang nakilala sanday Cpl. Homer Aniversario, Cpl. Ronald Tuhao kag Cpl. Jerald Caluyo.
Ini sila ang yara na sa stable nga kondisyon .
Suno kay First Lieutenant Revekka Roperos sang 303rd Infantry Brigade Civil Military Operations, kapin sa 30 ka mga NPA fighters ang nag-detonate sang anti-personnel mine rason nga may yara sang nagkalasamaran.
Lakip sa mga na-recover sa lugar sang engkwentro amo ang detonating wire, 2 ka G-Shock wrist watches, subversive documents kag pamphlets, kag mga personal nga kagamitan sang mga rebelde.
Ang 109 ka ka mga pamilya ang sa karon temporary nga naga-tinir as Paitan Elementary School samtang ang 91 naman ang yara sa Libertad Elementary School.
