TACLOBAN CITY – Naghatag na hin bulig an Department of Social Welfare and Development (DSWD) Region 8 ha mga pamilya nga nasunugan hin panimalay ha Burgos St.-Del Pilar St. Tacloban City kun diin 18 nga balay an ginkaon han sunog.
Sumala han DSWD, 30 nga pamilya o 105 nga indibindwal an apektado han sunog.
Kada pamilya in gintagan han DSWD hin 6 kilos nga bugas, 8 nga canned goods, 180 packs ready to eat arroz caldo.
Labot la hini, mayada mosquito nets nga ginhatag, plastic mats, blankets, duha ka pack han clothing ngan malong per family, usa nga hygiene kit ngan kitchen utensils.
Sumala han DSWD, naka-standby ba la an ira responding team kun ha sitwasyon kinahanglanon pa hin relief goods para ha mga apektado han sunog.
217, 560 nga kantidad tanan nga assistance an naihatag han DSWD.
