GISUGDANG mabakunahan batok COVID-19 alang sa unang dose gamit ang Sinovac vaccine ang mga personahe sa Bukidnon Provincial Medical Center (BPMC)- Bukidnon COVID Center, kagahapon, Lunes, og mahuman ugmang adlawa Miyerkules, Marso 9, 2021, diha sa BPMC, Casisang, Malaybalay City, Bukidnon.
Sa ceremonial vaccination, unang gibakunahan sa Sinovac vaccine ang hepe sa BPMC nga si Dr. Miguel Antonio C. Prantilla, FPSMS, FICS, inubanan ni Dr. Jose L. Aguirre, DPCP, department chairperson of internal medicine og ni Dra. Marbe Joy A. Depayso, DPCCP, FPM, interim chief of clinics diin kini gisundan sa ubang mga doctors, nurses og staff sa BPMC nga gilantaw mabakunahan ang 530 ka mga frontline health workers sulod sa tulo ka adlaw diin pagabakunahan sa ikaduhang dose sa Sinovac vaccine human sa baynte-otso (28) ka mga adlaw.
Sa interview sa RMN DXMB Malaybalay ngadto kang Dr. Miguel Antonio C. Prantilla ang hepe sa BPMC, gibutyag niini nga muabot sa 201 ang nabakunahan nga mga empleyado sa BPMC kagahapon ug gilauman nga makompleto ang 530 ka mga frontline health workers sulod sa tulo ka adlaw diin pagabakunahan sa ikaduhang dose sa Sinovac vaccine human sa baynte-otso (28) ka mga adlaw.
Matud ni Dr. Prantilla nga siya ang unang nagpabakuna tungod kay isip maoy nagdala sa BPMC obligasyon niya nga ipakita sa mga emplyado ang kumpiyansa aron magpabakuna.
Sigun niya nga sama sa ubang mga bakuna, iyang gibati sa pagtupok niini kaniya mao ang normal nga side effect nga pagsakit kadjut sa iyang bukton ug nawala ra man usab kini dayon.
Gitaho usab sa hepe sa BPMC nga walay nakasinati ug side effect sa mga nabakunahan gahapon.
Gibutyag ni Dr. Prantilla nga boluntaryo ang pagpabakuna sa Sinovac vaccine ug moagi kini sa hustong proseso sama sa registration, counselling, screening, vaccination og post vaccination monitoring. Diin, obserbahan kini sulod sa 30 ka minutos hangtud sa isa ka oras kung adunay reaksyon sa panglawas.
Basi sa gihatag nga orientation, dili bakunahan ang mga buros og nagplanong magbuntis, usab ang ubos sa 18 anyos ug sobra sa 59 anyos ang pangedaron ug niadtong adunay mga allergy sa maong bakuna. Mapasalamaton si Dr. Prantilla sa pag-abot sa maong bakuna og nahiapil sa prayoridad ang BPMC- Bukidnon COVID-19 Center.
