Catbalogan City, SAMAR – Narikupo han mga tinaglawas han Philippine Drug Enforcement Agency (PDEA) ngan Philippine National Police (PNP) an 30 ka gramo han illegal nga droga ha Catbalogan City, Samar.
Ha gindumara nga buy-bust operation han PDEA ha Room 1001, Maqueda Bay Hotel ha Catbalogan naaresto han mga otoridad an mga suspek nga ginkilala nga hi Ralph Anthony Penar Villegas, 29 anyos, waray asawa, waray trabaho ngan residente ha Marasbaras han Tacloban City ngan hi Nardito Cabrigas Gaoiran Jr., 26 anyos ngan residente ha Brgy. Bacyaran, Calbiga, Samar.
Nakumpiska han PDEA an 25 kapakete han heat-sealed transparent plastic sachet han gin-aaligar shabu nga may kabug-at nga 30 gramo ngan nagkakantidad hin 204,000 pesos.
Papasakahan hin mga kaso an mga suspek sugad han sale ngan Possession oIllegal Drugs ngan Possession of Drug Paraphernalia.
Paslak na an mga ini ha Catbalogan City Police Station Lock Up Cell.
