iDol! gusto ba nimong mahibaluan ang imong kapalaran karong bulana? Kini giya lamang mga idol, timan-e! nga gikinahanglan ug kakugi, pagpaningkamot, pag-ampo plus swerte equals imong kalampusan. Ug ania na ang mo giya kanimo idol…
iFM Horoscope (Pebrero 20, 2019 – Meyerkules)
ARIES – Makadawat ka ug maayong balita karong adlawa pinaagi sa ‘social media’ ug usa kini ka positibo nga balita. Paminawa ang tingog gikan sa imong kinahiladman bag-o mohatag ug aksyon sa mga butang nga moabot kanimo. Kung nagduha-duha ka, pangitag pamaagi nga makompirmar nimo kining mga butanga. Ayaw ug lantawa ang mga panghitabo ug ang angayan nimong buhaton kay hibaloon ang kamatuoran.
TUARUS – Maayo nga himoon nimo karon ang ideya nga dugay na nimong gitaguan sa imong dughan. Apan ang imong ideya nga nahibaloan, huna-hunaon sa kini sa makadaghan bag-o buhaton. Sa pagkakaron himoa lang ang unsay anaa nga makita nimo ug ang mga temporaryong mga gimbuhaton kay ang imong ideya nagkinahanglan pa ug taas nga panahon para imo kini mabuhat ug magmalampuson.
GEMINI – Adunay kabag-uhan sa mga butang nga imong mga nahimo ug mga nakahan-ay na sa pagkakaron. Nagkinahanglan kini ng usabon kay adunay mamahimong dako nga problema sa umaabot nga panahon bisan pa man ug imo na king gipangandaman. Kung wala pa nimo nakita ug nahuna-hunaan ang maong sitwasyon sa pagkakaron, nagkinahanglan na kini ug pagtagad sa pagkakaron. Mamahimong sakit kini sa imong ulo kung di mapangitaan ug pamaagi.
CANCER – Aduna kay nagkadaghan nga mga posibilidad nga pag relax ug pagmuni-muni karon apan mamahimo na lang kining pantasya. Apan posible daw kining mahimo nimo ug pwede usab nga kini mahanaw lamang sa hadaling panahon. Posible pud nga kini usa ka tawo nagaghat kanimo ug nangayo ug panahon uban kanimo o di kaha ang imong konsensya nga nagpahinumdom kanimo sa mga butang nga wala nimo nahimo ug imo na lang nahikalimtan nga kinahanglan nimong aksyunan.
LEO – Imong makita karon ang imong mga pinansyal ug mga galastuhan ug imo kining
giplanohan nga putlon. Imo usab makita ug nautingkay ang mga posibleng maghatag kanimo ug dugang nga plano sa imong pinansyal nga kinabuhi. Apan praktikal ka sa imong mga aksyun ug imo kining matimbang-timbang sa imong pagahimoon nga paginvest nga maoy makasalbar kanimo.
VIRGO – Makombinse ka sa mga plano nga bisan pag tabunan ang imong mga mata, mamahimo nimo kini apan ayaw ug kalimti nga kinhanglan gihapon nga maghatag ka ug oras ug panahon mahitungod niining mga butang nga sa imong tan-aw sayun ra himoon. Pagpreparar ug panahon ug taas nga pasensya sa imong pagsulbad sa maong matang sa problema labi na ug adunay laing nagta-aw kanimo. Pagpakita lang ug kamaayo nga motrabaho aron masulbad kini nga sitwasyon.
LIBRA – Mawad-an ka ug gana sa mga panghitabo ug makaapekto kini sa imong mga tinguha. Mas maayo nga una sa tanan imong madawat ang maong sitwasyon bisan temporaryo lang. Ang pulong temporaryo nagpasabot nga makapangita ka pa ug laing pamaagi. Posible nga makadawat ka pa ug tabang gikan sa uban busa aduna ka pay panahon nga makalukso sa sunod nga lakang.
SCORPIO – Sayun ug masabtan ang pirming pagpaskit sa kaugalingon sa usa ka butang kung nganong nahitabo kini kanimo nga unta sa sinugdanan nakita nimo kini nga moabot. Apan dili kini maayo ug dili makatabang kung sige nalang kinig balik balik sa imong panumduman. Tutuki hinoon kung asa ka karon ug paglipay sa punto nga mas lig-on ka karon kumpara kaniadto.
SAGITTARIUS – Bation nimo karon nga hulipan nimo ang mga panahon ug oras nga nawala diha kanimo sa pagkakaron. Apan kung adunay laing tawo nga kauban nimo sa maong sitwasyon, papasa kini siya. Kay diri nimo mahibaloan nga mas aduna kay daghang mamahimo sukwahi sa imong nahibaloan. Diri nimo usab mamatikdan nga mas mo uswag ug molambo ang imong kinabuhi.
CAPRICORN – Ang imong pagka ambisyoso sa imong mga ginahimo maoy makapalambo
kanimo ug sayon ra kini alang kanimo ang tanan. Apan timan-e, tawo ka ra ug kinhanglan ang imong mga mabuhat tawhanon pud, bout pasabot dako ang imong tsansa nga masayop ka. Kung tawo ka usab ug diri ka nagpuyo sa Earth, kinahanglan kang mokaon sa saktong pagkaon ug matulog sa saktong oras. Ang pagbuhat sa mga sobra ka daghan nga gimbuhaton dili nimo deretso mahuman ug gikinahanglan kini ug igong oras ug taas nga panahon.
AQUARIUS – Imong mamatikdan ang panghuna-huna sa ubang tawo nga katingad-an ug dili tinuod. Apan wala ba nimo tan-awa usab ang imong kaugalingon nga mura ug parehas ra pud mo ug kinaiya? Sa imong tan-aw nga binuang lang ang ilang nahibaloan apan kung imo kining tukion diri nimo makita kung unsa ka tsada ang ilang mga plano. Ayaw nalang ug pagapil-apil kanila ug ang posibleng buhaton ug maayong buhaton kay maghulat lamang kung kanus-a kanila tawagon ug paapilon.
PISCES – Aduna na kay maayong ideya nga nahibaloan apan dili ka masabtan sa mga tawo sa imong palibot. Unahon usa nimo ang imong mga tumong ug tinguha ayha nimo iyagyag ang imong nahibaloan kay basin aduna kay mahikalimtan nga detalye nga importante ug dili nimo kini maestorya. Apan ang importante sa tanan mituo ka sa imong maayong ideya ug ang imong kakugi nga mapasabot ang ubang tawo.
Source: proastro.com
