General Santos City—patay ang usa ka 22 anyos nga lalaki human kining gipusil sa wala mailhing suspek alas 11:11 ang takna kagabie sa may Leon Llido St. Barangay Lagao, Gensan.
Biktima giilang si Roel Mayamo Collado, 22, laborer, residenti sa nasampit nga lugar. Subay sa inisyal nga imbistigasyon sa Police Station 3, nasuta nga bag-uhay lang gyud ug human ug laba sa iyang mga labhunon ang nasangpit nga biktima.
Nagtambay-tambay kini sa gawas sa ilang compound atubangan sa gasolinahan, kalit lang matud pang may miabot nga lalaking nakamotorsiklo dayon may mitawag sa ilang pangalan.
Paglingi sa nasampit didto na kini gipusil pila ka higayon nga hinungdan sa iyang kamatayon. Paspas sab nga misibat ang mga suspek human sa pagpamusil.
Sumala sa mga silingan sa biktima nga pila ka higayon nga nalambigit sa rumble si Collado ug gani napriso na usab kini sa Police Station 2 human nga nalambigit sa riot. Sa karon nagpadayon ang gihimong imbistigasyon sa maong insidenti.
(Photo Credit to: Myk Moriel)
