Patay ang usa ka 22 anyos nga lalaki, human nga nadunggaban sa iyang manghud, tungod sa arawan.
Biktima nga namatay naila nga si Rey Barcelona, 22 anyos, samtang suspek nga igsoon naila nga si Francis Loyd Barcelona, 19 anyos pulos taga purok tres, Barangay Tablon ning syudad.
Matud ni Jimmy Barcelona ang igsoon sa duruha nga hubog nga miuli si Rey sa ilang balay , samtang gisapot usab si Francis tungod kay nahubagan sa iyang tiil.
Samtang gibunalan matud pa ni Rey si Francis og dos por dos nga kahoy, hinungdan nga nakagunit kini og kutsilyo nga maoy giduslak sa iyang igsoon.
Matud ni Jimmy nga wala makabantay ang iyang igsoon nga si Rey sa pagdunggab kaniya ni Francis tungod usab sa kahubog niini.
Dugang pa ni Jimmy nga una nga nagsinumbagay ang duruha, ayha nahitabo ang pagpanunggab.
By; Radyoman Aiza Enloran
