22 ka mga inmates sang South Cotabato Provincial Jail nagpositibo sa drug test.

23
Nagpositibo sa illegal drugs ang 22 sa 48 ka mga preso sang South Cotabato Provincial Jail nga ginapidalom sa random drug test sang Lunes nga adlaw. Ini ang ginkumpirmar ni OIC Warden Lory Celeste.
Suno kay Celeste halin sa selda 31 ang kadam-an nga ginpaidalom sa drug test base sa ginhatag nga impormasyon sa ila nga madamo ang nagagamit sang ginadumilian nga druga sa nasambit nga selda.
Ginbutang naman sa separado nga selda ang mga nagpositibo sa drug test nga mga inmates.
Ginpahayag ni OIC Warden Celeste nga nagapadayon ang ginapatigayon nga random drug testing sa mga inmates sa pasilidad.
May-angot sini, ginaimbestigaran sang iya pamunuan kon paano nakasulod sa pasilidad ang illegal drugs matapos nga ang apat ka bes nga ginpanghaboy nga druga ang narekober man.
Facebook Comments