Sa interview sa RMN Malaybalay ngadto kang Engr. Vixter Abaday, sa NTC-Region X, gibutyag niya nga sa kinatibuk-ang 168 million subscribers, anaa pa lang sa 22 million kon 13.5% ang rehistrado sa Pilipinas.
Layo sumala pa kini nga ihap tungod kay posible nga matag tawo tag duha o tulo ka mga sim ang girehistro.
Giklaro usab ni Engr. Abaday nga hangtud Abril 26 pa hinoon ang deadline sa pagpangrehistro sukad sa pagpirma sa maong kamanduan.
Sa pikas nga bahin, problema matud pa ang internet access ilabi na sa mga hilit nga mga lugar sa nasud.
Karong umaabot Miyerkules, aduna matud pay ipahigayon nga sim card registration ang telecommunication company sa lungsod sa Pangantucan partikular sa municipal gymnasium.
Maong gipanawagan ang tanan, ilabi na sa mga taga Pangantucan ug mga kasikbit nga lugar nga wala pa nakarehistro sa sim cards nga muadto ug magparehistro sa sim cards.
