Giila ang biktima nga si Mc Chester Galleros, 23 anyos, ulitawo, ug residente sa Zone-1, Barangay Patpay, ning siyudad.
Samtang gimanehu ang nakabangga nga usa ka FUSO Aluminum Wingvan truck, nagtangag og plakang numero AWA3430, ni Rewen Tañesa, 35 anyos, minyo, ug residente sa Zone-10, Cugman, Cagayan De Oro City.
Sumala sa taho sa kapulisan, nga nagtambay kilid sa dalan ang maong biktima sa dihang wala kini mabantayi sa maong truck nga gadagan gikan sa Cagayan De Oro City ug padulong sa dakbayan sa Gensan, hinungdan nga nabanggaan ang biktima nga matud pa naglingkod sa outer lane sa maong highway.
Gumikan sa kakusog sa impak, nakaangkon og grabeng injury sa kalawasan ang ulitawo nga gisuwayan pa og dala sa balay-tambalanan apan gideklara ng dead-on-arrival sa doctor.
Gikustodiya na karon sa Malaybalay City Police Station ang drayber sa maong truck nga posibleng mag-atubang sa kasong Reckless Imprudence Resulting to Homicide.
