General Santos City— Gikumpirma ni Police Chief Inspector Peter Pinalgan Jr., hepe sa Police Station 3 nga lider sa usa sa mga grupo sa batang sukarap sa Brgy. Lagao ang biktimang si Ruel Collado, 22 anyos nga una ng gipusil-patay sa may Leon Llido St.. Brgy. Lagao ning dakbayan.
Sumala pa nga nadkapan na kaniadto ang biktima gumikan sa paggamitan ug vulcasil ug lambigit usab kini sa managlahing rambol sa lugar. Kahibaluan nga alas 11 pasado ang takna sa gabii dihang gipusil-patay ang biktima makatulong higayon nga hinungdan sa iyahang kamatayon.
Dugang pamahayag ni PCI Pinalgan nga sa karon wala silay konretong ebidensya nga magtudlo nga lambigit sa pagpangawat ang biktima basi na usab sa pamahayag sa mga silingan niini.
Sa karon, ilaha matud pang ginatutukan ang posibilidad nga magka-ila ang biktima ug ang suspek gumikan nanawag pa ang suspek ayha kini namusil. Samtang lakip sa ilahang ginatan-aw mao ang away sa grupo sa mga sukarap nga posibleng hinungdan sa maong pagpamusil-patay.
