BACOLOD CITY – Gina-klaro ni Mayor Evelio ‘Bing’ Leonardia nga yara siya sa syudad sang Bacolod kag hugot nga gin-monitor ang mga flooded areas sadtung Biernes sang gab-e.
Suno kay Leonardia nga gilayon ini nagpatigayon sang occular inspections sa mga evacuees sang baha particular sa Brgy. Singcang samtang gina-inspection naman sang alkalde ang operations sang City Disaster Risk Reduction Center sa da-an nga City Hall.
Sa pihak nga bahin, base sa record sang CDRRMO, 41 ka balay ang totally destroyed samtang 40 partially destroyed.
Kapin sa 575 ka pamilya ang apektado sang pagbaha ukon kapin sa 2,300 ka indibidwal.
Lakip sa mga barangay nga na-apektuhan amo ang Barangay Barangay, 27, 28, 35, 39, 40, 41, Barangay Pahanocoy, Taculing, Bata, Mandalagan, Mansilingan.
Samtang, lubos naman nga naapektuhan ang Brgy. Singcang sa diin naglab-ot sa apat tubtob lima ka tapak ang kata-ason sang tubig sa Villa Mercedes kag atubang sang Gaisano City./dyHB BACOLOD/ Councilor Caesar Distrito photo
