Mikabat sa 237 Food Packs ang na apod-apod sa local nga pangagamhanan sa Malaybalay sa mga na biktima sa baha sa Barangay Managok gumikan sa sunod-sunod nga pagbaha dala sa kusog nga pag-ulan nga mi-igo sa dakong bahin sa Northern Mindanao.
Kini ang gipahigayon kagahapong adlawa, Disyembre 25, diin gipangulohan sa buhatan sa Mayor ug pag assistar sa City Social and Welfare Development Office (CSWDO) nga gipanguluhan ni Ivy Amor Urbina.
Nasayran nga apiktado sa mga pagbaha ang pipila ka mga barangay dinhi sa syudad sama sa Barangay Aglayan, Cabangahan, Violeta diin pipila niini ang na apektohan gikan pa atong adlaw nga Sabado kung asa dunay pipila ka pamilya ang nag-evacuate gumikan sa padayun nga pag ulan nga nagresulta sa lapas tawo nga pagbaha sa maong dapit.
Inabagan sa City Disaster Risk Reduction Management Office (CDRRMO) nga gipanguluhan ni Chief Alan Comiso nagmalampuson ang pag rescue ug paghatud sa mga biktima sa evacuation center.
Facebook Comments
