Misaka na sa 238 ka mga tawo ang na-admit sa Northern Mindanao Medical Center kon NMMC sukad gisugdan sa gobyerno ang kampanya batok sa Corona Virus Disease o COVID-19.
Kini nga record gikan sa January 31 hangtud sa June 23 ning tuiga.
Matud ni Dr. Bernard Rocha, Medical Specialist II sa NMMC nga kini nga mga pasyente positibo ug negatibo sa Covid-19.
Apan matud ni Rocha nga gikan sa maong ihap, mikabat sa 210 ang nag-negatibo sa maong virus samtang 20 ka gihapon ka mga tawo ang kumpirmado sa maong virus ug walo ang ilang suspect sa covid 19.
Sa pikas nga bahin, gipahibalo usab ni Dr. Rocha ngadto ni Mayor Oscar Moreno nga 1,046 na ka mga tawo ang na-examine sa ilang Gen Laboratory sa NMMC.
Kini nga record gikan niadtong May 21, 2020 hangtud sa pagsulat ning balita.
-o0o-
