24 ka miyembro sa New People’s Army, Militia ng bayan ug Underground Mass Organization ang nisurender sa 58th Infantry Battalion Philippine Army pinaagi ni Commander Lt. Col. Roy Derilo sa headquarter sa Sitio Migbanday, Poblacion, Claveria, Misamis Oriental.
Lakip sa mga nisurender ang napulo ka NPA fighters, napulo ka militia ng bayan ug upat ka underground mass members ubos sa CPP-organized front legal organization nga “Pigsalodaan” gikan sa Lakbangan, Barangay Minalwang sa maong lungsod.
Nasayran nga ang napulo ka NPA naa sa taas nga posisyon kung asa duha niini ang squad leader, duha ang supply officers ug duha ka team leader.
Sa karon, gipaubos na ang mga kanhi rebelde sa Enhanced Comprehensive Local Integration Program sa Gobyerno.
Facebook Comments
