Gibana-banang mokabat sa 240-mil pesos kapin kon kulang ang structural damage sa natigayong sunog kagahapong adlawa sa Tiano- Del Pilar Street ning syudad.
Mga alas 9:05 sa buntag kagahapon usa ka tawag ang nadawat sa Bureau of Fire Protection o BFP kalabot na sa maong sunog.
2nd floor sa usa ka 2-storey residential building nga gipanag-iyahan ni Benito Tagoylo ang nasunog ug atol sa maong hitabo wala sila sa ilang balay kay nanglakaw sila sa iyang asawa ug gi-off matud pa nila ang plangka.
Sa inisyal nga imbestigasyon sa BFP mikabat sa 3rd alarm ang nasangpit nga sunog ug ila pang tan-awon ang laing angolo sa hinungdan niini kay adunay nag-abang sa pikas bahin sa maong residential building nga usa ka manpower agency.
Samtang mga alas 9:13 na undercontrol ang sunog ug alas 9:20 sa buntag usab kini na fire out.
