General Santos City–Nagpatabang sa opisina sa Police Station 1 ang usa ka Jake Leryc Agustin, 25 anyos usa ka empleyado ug nanimuyo sa Zapote Street, Brgy. Dadiangas east human nga gikawat matud pa sa wala mailhing mga responsible ang motor nga XRM 125 nga dunay kulay pula ug puti nga nakarehistro sa kompanya nga gitrabahoan sa nasangpit nga gi-issue ngadto kaniya.
Sumala pa sa biktima nga alas 9:00 matud pa sa gabie gipark niini ang nasangpit nga motor atubangan sa iyahang boarding house nga naka-headlock apan pag mata niini kinabuntagan wala na ang nasangpit nga motorsiklo.
Sa pagsuta matud pa sa nahisgutang biktima sa CCTV nga naka-install sa ilahang lugar migula nga duha ka mga lalaki ang maoy responsible sa pag pangawat kung diin gikawat kini sa mga nahisgutan alas 2:00 ang takna sa kaadlawon.
Sa kasamtangan giimbistigahan paman usab sa Police Station 1 ang maong panghitabo kung diin nangayo naman sila ug kopya sa CCTV alang usab sa posibleng ilhanan sa mga suspect.(Dave Silagan)
