Sa interview sa RMN Malaybalay ngadto kang Cpt. Sancho Tumakin, Civil Military Operations (CMO)-Officer ug Spokesperson sa 88th IB, gibutyag niya nga gipanguluhan ni Berno Sinunta, alyas Kaloy sa Sub-Regional Sentro De Grabidad (SRSDG) PEDDLER, Sub Regional Committee 2 (SRC2), North Central Mindanao Regional Committee (NCMRC) ang nakaengkwentro sa mga kasundaluan ug milungtad lang sa 25 minutos nga panagbinaylohay sa bala.
Gibutyag usab ni Cpt. Tumakin nga aduna nay mga serye sa engkwentro ang nahitabo taliwala sa duha ka grupo apan wala ra milungtad sa taas nga oras.
Gusto sumala pa sa NPA nga marekober ang mga area nga gikaingong cleared na sa insurhensiya.
Sa wala pa ang adlaw sa engkwentro, aduna matud pay gipahigayon nga Pulong-pulong kon Peace Dialogue ang kasundaluan kauban ang mga residente sa naasoy nga barangay isip pag-renew sa ilang commitment sa padayon nga pagsuporta sa kasundaluan batok sa mga rebeldeng grupo sa NPA.
Naneutralize sa mga kasundaluan ang gikaingong lungga sa mga NPA diin narekober ang duha ka mga bala sa 5.56mm nga armas, duha ka electrical wires nga ginagamit pagbuhat og Improvised Explosive Device (IED), siyam ka gallon sa bugas, mga personal nga gamit ug mga dokumento.
