Patay nang nakit-an ang 26 anyos nga dalaga sulod sa iyang boarding house sa Pepito street, Poblacion, Valencia City, Bukidnon.
Gibutyag ni Police Lt. Col. Surki Serenas, ang Police City Director sa Valencia City nga gituhoang gilugos una ayha gipatay ang biktima tungod sa mga ebidensyang nakita sa crime scene, sama sa semen sa lalaki ug power bank nga adunay finger print sa suspek.
Nakuhaan usab sa footage sa CCTV ang pagsulod ug paggawas sa suspek, busa dili lisod ang ilang himuong follow-up operation tungod sa mga ebidensya.
Gitambagan usab ni Serenias ang igsoong polis sa biktima nga dili na mouban sa operasyon aron dili mahinaykan ang suspek.
Nakita usab sa CCTV ang pagpalit og tubig sa suspek sa tindahan aron ihugas sa iyang kamot.
Nasayran nga aduna usab nabilin nga face towel ang suspek nga adunay lama sa dugo apan ang problema kay naapil kini pagsilhig sa manilhigay busa nanghinaut ang kapolisan nga marekober pa ang maong ebidensya aron makatabang sa imbestigasyon.
