Dakpan sa kapolisan ang usa ka lalaki human sa gihimong drug buy bust operation.
Matud ni Chief Inspector Albart Tare, ang Hepe sa Tagoloan Municipal Police Station, nga naila ang suspek nga si Francis Maagad, alyas Dodong, 26 anyos, ulitawo, taga Zone 9, Sihayon, Tagoloan Misamis Oriental.
Dugang pa ni Chief Inspector Tare, nga nadakpan si Maagad sa Zone 4-Sta Cruz sa maong lungsod.
Nasayran nga nakuha sa posisyon sa suspek ang usa ka pakite sa shabu, 500 pesos nga mark money, kitchen knife, ug lighter ug uban pang drug paraphernalia.
Ang maong dokomento, ang gidala sa PNP Crime Laboratory alang sa Eksaminasyon.
Tungod niini, mipasidungog sa Tagoloan Police si Provincial Director Senior Supt. Rolando Destura, alang sa malampuson nga kampanya niini batok sa illegal nga droga.
