Dakpan sa drug operation sa kapolisan sa Station 2 Cogon sa pagpanguna sa ilang hepe nga si Police Sr. Inps. Dennis Quindara ang 27 anyos nga lalaki mga alas 5:10 kagahapon sa hapon sa Zone 3, Upper Bulua Highway ning syudad.
Dinakpan mao si Jonathan Micabalo, ulitawo ug taga Salay, Misamis Oriental.
Nadakpan si Micabalo dihang gitunol niini ngadto kang PO2 Joseph John Quiamco ang usa ka sachet sa gitoohang shabu human kini nagpaka aron ingnong buyer.
Nakuha usab sa posisyon ni Micabalo ang lain pang duha ka sachet sa small elongated heat sealed transparent plastic cellophane nga dunay sulod shabu ug 500 pesos nga direktang gidala sa PNP crime laboratory-10 alang sa dugang eksaminasyon.
Sa kinatibuk-an, mokabat sa 0.15 grams ang nakuhang shabu gikan sa suspek nga gibana-banang dunay street value nga 2, 500 pesos.
Ang inventory nga gihimo sa area gisaksihan ni Barangay Kagawad Patricio Gabule.
Sa karon, temporaryong gi-detain ang suspek sa Police Station 2, Cogon samtang giandam pa ang kasong ipasaka.
