Nakit-ang patay ang usa ka lalake gawas sa cr sa ilang panimalay sa Sitio Irag, barangay Camaman-an ning dakbayan.
Naila ang biktima nga si Emmanuel Llamas, 27 anyos ug residente sa nasangpit nga dapit. Mismong ang inahan sa biktima ang nakakita niini nga nagbitay gawas sa cr human kini naghikot og pisi sa iyang liog.
Saysay pa sa inahan sa biktima nga pila na ka semanang nabantayan niini nga lahi na ang nilihokan sa iyang anak ug magsige nalang og hinuktok.
Dugang pa sa inahan sa biktima nga ang pagpakigbulag sa kanhi kapuyo niini ang usa sa hinungdan sa iyang pagpakamatay.
Samtang, basi sa imbistigasyon sa kapolisan, walay nakitang foul play sa kamatayon sa biktima.
By: Lovelyrose Sambaan
PC: Anne Jane Duhaylungsod
Facebook Comments
