Davao City – Nakauli na ang 270 ka mga Davao residents kinsa mga nanga-stranded sa Luzon sulod sa usa ka bulan pinaagi kini sa ikaduhang sweeper flight nga gipahigayon sa lokal nga panggamhanan sa Davao.
Giekspektar ni Davao City Mayor Sara Duterte nga anaa sa 400 ang gikatakdang manguli base sa manifesto apan daghan ang wala makasakay sa maong sweeper flight.
“Nag-discuss mi kaganiha sa atoang in-charge and then I asked her what happen. Daghan daw didto ang wala gipasakay, giingnan nako siya we have to review what happened, ngano ingon ana kay sayang ang opportunity na naa na didto and then wala na maximize ang resources nga gigamit nato for that,”
Sa pakighinabi sa RMN Davao, nagpasalamat ngadto sa lokal nga gobyerno si Julius Sangria, usa sa mga natabangang makauli dinhi sa Davao.
Gipailawom sa rapid test ang mga pasahero pag-abot sa airport ug 14 days nga quarantine.
Samtang 394 ka mga nanga-stranded ta dinhi sa Davao ang nahatud usab didto sa Manila.
Gimanduan sa mayor si City Tourism Officer Generose Tecson nga muhimo og after activity report.
RadyoMaN Aimee Guinita
