Ipatuman matud pa sa Bukidnon Second Electric Cooperative (BUSECO) ang 29 sentabos nga pag-ubos sa matag kilowatt hour sa presyo sa kuryente karong bulana.
Sa interview sa RMN Malaybalay ngadto kang BUSECO General Manager Christopher Dulfo, gibutyag niya nga gikan sa P16.95 nga per kilowatt hour, muubos ngadto sa P16.66 ang bag-ong rate sugod ning bulan sa Nobyembre.
Kini sumala pa ang resulta sa ilang bag-ohay lang nahuman nga komputasyon pagsuta sa rate sa kilowatt hour nga charge sa kuryente.
Usa matud pa sa rason sa pag-ubos sa niini mao ang pag-ubos sa generation charge sa mga power suppliers.
Susama sumala pa sa presyo sa gasolina, posible nga musaka o muubos ang presyo sa generation charge matag karon ug unya.
Giklaro ni Dulfo nga dili matud pa makabenipisyo ang BUSECO niini tungod kay ilaha sumala pang i-remit kini ngadto sa mga power suppliers.
Facebook Comments
