Mikabat sa 193 ka mga Barangay Tanod nga partisipante ang misalmot sa gipahigayon 3 kaadlaw nga Barangay Public Safety Officer (BSPO) Training didto sa lungsod sa Godod gihimo kini niadtong miaging semana.
Sigun sa nasayran gikan ni Officer- in- Charge PSI Clark Bacolod sa Godod Municipal Police Station ang BPSO Training, gisugdan na kininiadtong adlawng lunes Setyembre 17.
Matud pa ni Officer- in- Charge PSI Clark Bacolod sa Godod Municipal Police Station nga ang BPSO adunay importante papel sa Barangay ug sa komunidad, Sila isip frontliners sa Anti-Crime Programs and Activities sa Barangay ,ilabina wala ang presensya sa kapolisan sa maong lugar,
Dugang nasayran nga ang organisasyon nga Armas de Mano ,katimbaya usab sa LGU ug sa Godod MPS , diha sa pagbansay-bansay diin tudloan ang mga tanod og Defense Techniques.
Busa ang LGU Godod sa pagdumala ni Mayor Abel Matildo , sa pakigtambayayong sa Godod MPS ug sa Zamboanga del Norte Police Provincial Office , mipahigayon og 3 kaadlaw nga BPSO Training alang sa mga barangay tanod gikan sa 17 ka mga barangay sakop sa lugsod sa Godod.
*A*ng tumong ug tinguha niini aron madugangan ang katakos, abilidad ug kahibalo sa mga tanod diha sa pagdepen sa dili lamang sa ilang kaugalingon kundili sa tibuok komunidad batok na sa dautang tawo.
Lakip usab sa pagmintinar sa kahapsay ug kalinaw sa ilang matag barangay ug masaligan usab sila diha sa disaster relief operations ug uban pang mga emerhesya.(PIC-ZSM)
