BACOLOD CITY – Gindeklarar nga drug-cleared barangay sang City Anti-Drug Abuse Council – CADAC ang tatlo sa 61 ka mga kabaranggayan diri sa ciudad sang Bacolod.
Gindeclare sa ginpatigayon nga 3rd quarter meeting sang CADAC kahapon nga drug-free barangay ang Brgy. 5, Brgy. 24 kag Brgy. 41.
Personal nga ginbaton nanday Brgy. 5 Punong Barangay Raymundo Salaveria, Kapitan Leif Gregory Ledesma sang Brgy. 4 kag Kapitan Leonilo Colegado sang Brgy. 41 ang certification halin mismo kay Bacolod City Police Office acting city director P/Ssupt. Jack Wanky kag sa mga katapo sang Oversight Committee subong man halin kay Bacolod City Mayor Evelio Bing Leonardia nga amo ang chairman sang CADAC.
Ginpahayag sang oversight committee nga ang amo nga mga kabaranggayan ang naka-kumpleto sang mga parameters on drug-cleared barangays base sa idalum sang section 6 sang Dangerous Drugs Board Regulation.
Sa pihak nga bahin, kon may drug-free na nga barangay, may lima naman nga nagapabilin nga drug hotspots ukon areas of concern sa bahin sang illegal nga druga.
Suno kay Bacolod City Police Office OIC director S/Supt. Jack Wanky nga ini nga mga barangay amo ang Brgy. 1, 2, 31, Brgy. Banago kag Singcang-Airport.
Bangud sini, ginahingyo ni Wanky ang mga barangay kapitan sang amo nga barangay nga dapat mag-cooperate kag obrahon ang tanan agud mangin drug-free na ang ila lugar./dyHB BACOLOD
