Narekord sang tatlo ka insidente sang pagkalunod sa rehiyon dose ang Office of the Civil Defense (OCD) 12 tungod sa epekto sang Low pressure (LPA) kag Intertropical convergence zone (ITCZ).
Suno kay OCD 12 Information Officer Joriemae Balmediano narekord ang insidente sang pagkalunod sa Maasim, Saranggani Province, Antipas kag Libungan sa Cotabato Province halin Enero 12 tubtob 18.
Samtang may narekord man nga insidente sang flashflood sa pipila ka banwa sa rehiyon partikular na sa Bagumbayan, Sultan Kudarat , apang madasig naman suno pa nga nagsubside ang tubig baha.
Sa subong suno kay Balmediano padayon ang ila monitoring kag paghatag sang advisory sa mga local government unit nga mangin alerto kag aktibo sa tion nga malain ang panahon.
