Nagapadayon ang imbestigasyon sang Tupi, Municipal Police Station sa nagluntad nga pagpang-ambush sa tatlo ka mga miyembro sang PNP sa Prk. 15B, Brgy. Polonuling, Tupi, South Cotabato, pasado alas 6:00 subong nga aga, Marso 5, 2021.
Ang mga biktima ang sakay sa isa ka Toyota Vios sang tiruhon sang mga suspek.
Suno kay P/Capt. Junel Rey Gatera, Chief of Police sang Tupi MPS, dead on the spot si Police Staff Sgt. Lerio Espero nga amo ang nagamaneho sang Toyota Vios kag pilason naman ang duha ka mga kaupdanan sini nga sanday P/SSgt. Joris Velasco kag PSSgt. Rey Jerome Fortunato Silvederio nga yara na sa maayo nga kondisyon.
Pahayag ni P/Capt. Gatera halin sa Koronadal City ang mga biktima padulong sa General Santos City sang tiruhon sang mga suspek nga ginaaligar sakay suno pa sa isa ka Toyota Fortuner.
Gamit sang mga suspek suno kay Gatera sa pagluthang sa mga biktima ang M16 rifle base sa nakuha nila nga basyo sang bala sa crime scene.
Ginkumpirmar ni p/Capt. Gatera nga ang tatlo ka mga PNP personnel nga naasign sa Regional Personnel Holding Unit and Accounting Unit sang PNP 12.
Sa subong nakaalerto sila suno sa Tupi chief of Police tungod sa pagpamahog sa seguridad sa ila AOR halin sa local terrorist group nga Daulah islamiya.
