Maga-hiwat subong nga adlaw – Mayo 25 ang syudad sang Bacolod sang ika-duwa nga Chicken Inasal Festival.
Kapin sa 30 ka mga restaurants kag establishments ang magapasakup sa 2nd Bacolod Chicken Inasal Festival sa diin ini ang maga-laba sang 300 metros nga patigayunon sa dalan Araneta.
Kapin sa 3 mil ka mga manok ang paga-asalon sa diin ang manok ang iga-‘provide’ sang syudad samtang ang timpla ang diskarte na sang nagakalain lain nga mga restaurants.
Suno sa lead organizer – Councilor Cindy Rojas nga tinituyo sang Chicken Inasal Festival nga mas makilala pa gid ang Bacolod sa inasal nga manok, indi lang sa Pilipinas kundi sa bilog nga kalibutan.
Pagkatapos sang grilling session, may yara sang patigayunon nga boodle fight sa diiin gina-klaro ni Rojas nga limited gid lamang ini kag ang mangin main beneficiaries amo ang senior citizens sa tagsa ka barangay sa Bacolod.
