Mokabat sa tres milyones pesos ang gi-aprobahan nga pundo sa City council isip tabang sa House of Hope ning syudad sa Cagayan de Oro.
Kini nahitabo sa ilang regular session sa City Council niadtong milabaynga semana.
Matud ni Mayor Oscar Moreno nga ang maong kantidad, dili alang sa Construction sa bag-ong building sa House of Hope apan kini nga kantidad maoy gastohon alang sa Operation and Maintenance sa maong pasilidad nga gipanag-iya sa Archdiocese sa Cagayan de Oro.
Apan gipasabot sa Mayor nga niining iyang ikatulong termino, iyang gitinguha nga magtukod sa bag-ong building sa House of Hope aron magamit sa mga tawo nga nalisoan sa ilang maayong pangisip.
Gibutyag usab ni Mayor Moreno nga tungod kay ang yuta sa house of Hope sa Barangay Lumbia, gipanag-iya na sa City hall andam na ang Department of Health nga motabang alang sa construction sa dugang pasilidad nga magamit sa mga tawo nga nawad-an sa ilang maayong panghuna-huna.
