3 nga bata nalumos ha usa nga resort, 1 patay, 1 missing

2634

TACLOBAN CITY – Nalumos an tulo nga bata ha Caunte Resort Brgy. Bislig, Tanauan, Leyte kasangkulop, February 10, 2019.

Ha report han Municipal Disaster Risk Reduction and Management Office han Tanauan, ginkilala an mga biktima nga hira Shanley Mae Panzo, 15 anyos; Angel Caeyas, 8 anyos; Jessa Mae De Paz, 15 anyos pareho nga mga residente ha Sta. Fe, Leyte.

Ha imbistigasyon han Philippine National Police (PNP) ha Tanauan, nakadto an mga bata ha mao nga resort upod an ira pamilya tungod nga kaadlawan han ira lola.

Nangarigos an mga bata ha dagat pero tungod nga dagko an balud, nadara an mga ini ha hilarom nga parte han dagat ngan nalumos.

Nadara pa an duha nga bata ha hospital pero dead on arrival na hi Shanley samtang hi Angel in padayon nga gintatambal.

Samtang, missing pa ha pagka yana hi Jessa pero siring han Tanauan PNP, malabo na nga mabilngan hi Jessa nga buhi pero padayon an search operation han mga otoridad.

Sagdon naman han mga otoridad yana nga uso na iton outing labi na nga magsusummer, bantayan gud hin maupay an mga kabataan nga nangangarigos ha dagat para malikayan an disgrasya.

Facebook Comments