General Santos City—sikop sa operatiba sa Philippine Drug Enforcement Agency (PDEA) Regional Office -12 ilawom sa superbisyon ni Director Gil Cesario Castro ang tulo ka mga suspetsadong lambigit sa iligal nga druga sa Area sa Promise Land 1, Block 8, Barangay Mabuhay, General Santos City.
Ang mga nasikop nailhang silang si Jeric Siazon, 22, single, harvester, resident sa samang lugar, George Matis, 24, single, construction worker, residenti sa Promise Land 1, Block 8, Barangay Mabuhay, ug Allan Robles, 39, single, construction worker, residenti sa Promise Land 2, Block 4, Barangay Mabuhay, Gensan.
Alas 6:45 ang takna sa buntag niadtong nakalabayng adlaw duihang gilusad ang buybust operation batok sa mga suspek nga miresulta sa pagkasikop samga nahisgutan human silang napalitan ug (1) ka sachet sa gituohang shabu gamit ang Marked Money kantidad ug P500.00.
Nakuhaan usab ang mga nahisgutan ug lain pang (3) ka sachets sa suspected shabu nga gibana-banaang anaa sa (1) ka grama nga nagkantidad ug P 7,500.00 ug (4) ka units sa cell phone kansa gituohang gigamit sa mga nahisgutan sa iligal nilang gimbuhaton.
Kasong paglapas sa Section 5 (Sale of Dangerous Drugs) ug Section 11 (Possession of Dangerous Drugs), sa article II ilawom sa Republic Act 9165 (The Comprehensive Dangerous Drugs Act of 2002) ang gikatakdang ipasang-at nga kaso sa PDEA-12 batok sa mga suspetsado.
