Gidayeg ni 4th Infantry Division, Philippine Army Commander Brigadier General Franco Nemesio Gacal sa Camp Evangelista, Barangay Patag ning syudad sa Cagayan de Oro sila Lt. Col. Allen Raymund Tomas, Battalion Commander sa 30th IB ug LGU sa Gigaguit, Surigao del Norte.
Kini human nisurrender ang halos 300 ka mga miyembro sa Communist Party of the Philippines- New Peoples Army o CPP-NPA ug mga supporters ngadto sa Community Support Program o CSP team ubos sa 30th Infantry “Phyton” Battalion, 4th Infantry Division, Philippine Army.
Lakip sa nisurrender niadtong Biyernes sa Barangay Camam-onan, Gigaguit, Surigao del Norte ang 28 ka militia ng Bayan ug 267 ka miyembro sa Underground Mass Organization dala ang ilang mga armas.
Nisurrender sila ngadto kang Gigaguit Mayor Elvira Egay ug sa Commader sa 30th IB nga si Lt. Col. Tomas.
Nanumpa usab sa gobyerno ang mga nisurrender ug mideklarar sa CPP-NPA nga persona non grata pinangunahan ni Hon. Inday Flor Bangga ang Barangay Kapitan sa Camam-onan.
